iPhone XS Max VS Samsung Galaxy Note 9

نقدم لكم اليوم مقارنة شاملة بين هاتفين من أفضل وأقوى الهواتف الذكية فى عام 2018 وهما iPhone XS Max من شركة آبل وهاتف Galaxy Note 9 من شركة سامسونج.

الجهازين هما أحدث وأفضل وأقوى الهواتف لكل شركة بمعنى أن المقارنة هتكون عادلة بشكل كبير بينهما ونبدأ أولا بالتصميم.

مقارنة التصميم النوت 9 وايفون اكس اس ماكس

أولا بالنسبة للتصميم كل جهاز فيهم بيقدم تصميم مميز وكل واحد متجه في اتجاه النوت بيجى بدون نوتش أما الأيفون بيجى بنوتش والنوتش دة عليه اختلافات كتير فى جزء كبير مش بيحبة وفى جزء بيشجع الفكرة وفى شركات كتير بقت تستخدم موضوع النوتش فى اجهزتها لكن الفكرة فى الأساس كانت فكرة أبل.

الخامات زجاجية فى الأتنين من الخلف والأمام فى النوت 9 بيجي بـ كورنينج جوريلا الأصدار الخامس أما في آيفون الخامة غير معروفة لكن هى من تصنيع الشركة نفسها واتكلمت عنها فى المؤتمر وكانت بتقول انها قوية جدا.

اما الاطار فى النوت فهو مصنوع من الألومنيوم وفي أيفون أكس من الأستالس الى بيدى لمعه أفضل.

هنلاقى الجهازين كل واحد بيجى بأبعاد مختلفة لكن فى النهاية هنلاقيها متشابهه جدا. لأن الأتنين بدون حواف وفى نفس الوقت أحجام الشاشات تعتبر واحدة لأن الفرق بينهم 0.1 انش.

أبعاد النوت 9 هي 161.9 × 76.4 × 8.8 mm أما أبعاد ايفون اكس اس ماكس 157.5 × 77.4 × 7.7 mm

مقارنة الشاشة

النوت 9 بيجى بشاشة 6.4 انش Super AMOLED وهي من أفضل الشاشات في السوق من حيث كثافة ودقة الألوان والسطوح واستهلاك البطارية والعديد من الأمور الأخرى

أيضا هى نفس الشاشة المستخدمة في هاتف ايفون اكس اس ماكس، تستطيع القول أنهما بنفس الشاشات تقريبا والدقة ايضا نفسها لكن دقة الشاشة تختلف قليلا بين الأثنين وهو ناتج عن اختلاف النسب

نسبة الطول إلى العرض فى النوت 9 18.5:9 وأبل 19.5:9 لكن لو كانت النسب واحدة فى كلا الهاتفين حينها ستكون الدقة واحدة

الأمر الذى تتفوق فيه شركة أبل هو خاصية الـ 3D تاتش

أما بالنسبة لـ سامسونج تتفوق فى خاصية Always-on display

أى أن كل منهما يتفوق فى نقطة محددة ولكن اختلافات بسيطة لا تؤثر بشكل كبير فى تجربة المستخدم.

الكاميرا

الكاميرا باتت من أهم المميزات الرئيسية ولها الأن عامل كبير فى القرار النهائى وقت الشراء يعنى ممكن يكون موبايل عاجبك جدا وتشترى موبايل تانى بس عشان الكاميرا

بالنسبة للكاميرا الخلفية هيكون فى تشابهات كثيرة فى معظم المميزات

الإثنين بكاميرا خلفية مزدوجة، عزل الخلفية والتعديل على العزل، التقريب البصري والعديد من الأمور الأخري

لكن بالنسبة للتصوير فى الأضاءة الضعيفة فـ سامسونج من أقوى الشركات اللى تقدم كاميرا بتعطيك صور مميزة فى الأضاءة الضعيفة ودة لأنهم يستخدمون فتحات عدسة واسعة دايما بالأضافة إلى أنهم مميزون فى الكاميرا بشكل عام وكمان الشاشات

لكن باردوة مايمنعش ان هواوى احيانا تتفوق على سامسونج في الكاميرا.

ونيجى لمواصفات الكاميرا 

الأثنين 12 ميجا بكسل لكن سامسونج بتقدم فتحة عدسة أوسع 1.5

التصوير البطيء 1080 بكسل 240 إطار فى الثانية وكمان تقدر تصور بـ 720 بكسل وهتاخد 960 إطار فى الثانية ودة بقى التصوير البطئ جدا ودى حاجة مش موجودة فى الأيفون

نيجى لـ مواصفات كاميرا هاتف أبل ايفون اكس اس ماكس

يأتي أيضا مع كاميرا خلفية 12 ميجا بكسل لكن بفتحة عدسة اصغر او اضيق 1.8 والتصوير البطيء 1080 بكسل 240 إطار في الثانية.

الجهازين بيدولك الميزات الرئيسية زى التكبير البصري وال HDR و تصوير بانوراما، مثبت بصري OIS ونفس دقة تصوير الفيديو بخلاف بس التصوير البطئ زى ما قلنا من شوية.

الكاميرا الأمامية فى جالكسى نوت 9

8 ميجا بكسل بفتحة عدسة f/1.7 وايفون 7 ميجا بكسل وفتحة عدسة f/2.2.

نقدر نقول ان الكاميرات متشابهة ولكن أثناء التصوير فى الأضاءة الضعيفة أكيد النوت 9 هيكون الاختيار الأفضل.

مقارنة الأداء، ايهما اسرع او ما الفرق بينهما؟

الأداء من الجهازين يعتبر قوى جدا لأنهم طبعا من الجوالات الرائدة فى عام 2018

تقدر تشغل أى لعبة على أى منهم وأداء قوى بالنسبة للإستخدام المكثف وهنقولك سريعا كدة المكونات الرئيسية المسؤولة عن الأداء.

النوت 9 بيجى بمعالج Snapdragon 845 ثمانى النواة

ومعالج رسومي Adreno 630

ذاكرة عشوائية 8 جيجابايت أو 6 جيجابايت

ونظام تشغيل اندرويد 8 اوريو

الأيفون اكس اس ماكس ييجى تقريبا بنص المواصفات دى

المعالج Apple A12 Bionic سداسي النواة

الذاكرة العشوائية 4 جيجابايت

نظام التشغيل IOS 12

أيهما أفضل من حيث الأداء

طبعا مواصفات هاتف Apple iPhone XS Max أقل بكثير من مواصفات Samsung Galaxy Note 9

لكن بشكل عام الأداء متقارب ودة ناتج عن نظام التشغيل الذي تستخدمه كل شركة.

بمناسبة الحديث عن نظام التشغيل سنذكر لكم ميزة كل من الهاتفين فى نظام التشغيل الذى يأتى به

أبل هتقدر تاخد منها حاجات أساسية من السوفت وير بتاعها مثل

ثبات النظام والتحديثات المستمرة لمدة لا تقل عن أربع سنوات يعنى لما تشترى موبايل من شركة أبل تضمن أنك تاخد تحديثات لجهازك لمدة كبيرة جدا ممكن توصل لخمس سنوات.

اما سامسونج تستخدم أندرويد ودة بيدلك مميزات أكثر حرية أكثر

لكن تحديثات بطيئة جدا ممكن تتأخر 6 شهور وأحيانا سنة وأحيانا مش بتوفر التحديث أساسا ودة من أكبر وأهم عيوب الأندرويد وعامل مشكلة كبيرة مع جوجل مش قادرة توصل لحل فى الموضوع دة لكن بشكل عام أداء النوت أعلى وأفضل.

لكن بعيدا عن مميزات الأندرويد سامسونج زى ماتقول كده تقوم بإضافة التاتش بتاعها

يعنى هتلاقى مميزات كتير للقلم اللى بقى يشتغل البلوتوث  واللى بيوفرلك مميزات كتير سواء كنت بتستخدمها أول لا لكن هى مميزات موجودة فى الموبايل وكمان بتقدر تتحكم فى حاجات كتير بالموبايل والتخصيص أفضل يعنى من الأخر كدة مميزات وخصائص أكتر بكتير فى سامسونج فى مقابل تحديثات مستمرة من الأيفون.

الفرق بين بطارية جالكسى نوت 9 وايفون اكس اس ماكس

بطارية النوت 9 4000 ملى امبير

تدعم الشحن السريع الإصدار الثانى وتدعم شحن اللاسلكى

بطارية ايفون اكس اس ماكس 3174 ملي أمبير تدعم الشحن السريع والشحن اللاسلكي

لكن لو عايز تستفيد من ميزة الشحن السريع لازم تشترى شاحن سريع لأنك لن تحصل عليه فى علبة الهاتف وتكتفى الشركة أن تعطيك فقط الشاحن العادي وهو مشكلة كبيرة حيث أن سعر ايفون اكس اس ماكس مرتفع جدا

بالأضافة إلى أنه أغلى من Note 9 بمئات الدولارات.

على العموم دى كانت مقارنة تفصيلية بين الجهازين

الخلاصة أنك لو عايز سرعة و حرية أكثر فى خصائص الجهاز والتحكم فى ملفاتك وميزات تانية كتير يبقى Samsung Galaxy Note 9 الأختيار الأفضل

أما لو عايز تحديثات وثبات يبقى Apple iPhone XS Max الاختيار الأفضل.

إذا لم تستطيع قراءة المقالة بشكل جيد، يمكنك مشاهدة الفيديو التالى مقارنة بين Galaxy Note 9 و iPhone XS Max، يحمل نفس المعلومات الموجودة فى المقالة.