مراجعات

essential ph1 من مؤسس نظام الاندرويد / المواصفات والمميزات

قام بكتابته Khaled Taha



فى مقالة اليوم سوف نتحدث عن موبيل مميز جدا لأنه من تطوير مؤسس نظام الاندرويد اندى روبن وهو النظام الاكثر استخداما فى الهواتف الذكية  والذى يستخدمه اكثر من بليون مستخدم نشط شهريا.

اندى روبن بعد فترة من تأسيس نظام الاندرويد وهو الوقت الذى كان يعمل فية فى شركة جوجل ترك جوجل واسس شركة خاصة به لكن لم يقوم هذة المرة بانشاء وتطوير نظام جديد ولكن اسس شركة essential من اجل تطوير هاتف جديد فقد يكون بالنسبه لك انه يعمل فى نفس المجال لكن فى الحقيقة هو يعمل فى مجال اخر لأن هناك فرق كبير بين السوفتوير وتطوير السوفت وير وبين الهارد وير وصناعة مكونات الموبيل وتصميمة.

essential ph1
essential ph1

معلومات عن اندى روبن وهاتف essential ph1

عندما نتحدث عن شخص اسس نظام يستخدمة اكثر من 2 بليون مستخدم من جميع انحاء العالم وبليون مستخدم نشط شهريا اكيد وبالطبع سوف يجذب انتبهاك وسوف يدور فى عقلك بعض التساؤلات مثل ماهو هذا الهاتف وهل سوف يحدث طفرة جديدة زى اللى عملها نظام الاندرويد او هل هيقدر ينافس شركات عملاقة زى ابل وسامسونج على العموم الموبيل فى مرحلتة الاولى ولا نعلم اذا كان فعال للمستخدم او مجرد شخص كان له بعض الافكار وفشل فى تنفيذها ولكن مبدئيا الهاتف من خلال المواصفات التى تم الاعلان عنها رسميا فيبدو انه يستطيع المنافسة فعلا.

تصميم هاتف essential ph1

اولا اسم الموبيل Essential Ph-1 وفى الحقيقة لو القينا نظرة على الهاتف سوف يشد انتباهك الشاشة لأن الموبيل بدون حواف يعنى مش هتلاقى فية اطار كبير باستثناء جزء بسيط من الاسفل وبالنسبة لتصميم الشاشة هنلافى انها بتشبة كتير للموبيل اللى قدمتة شركة شاومى من فترة المى مكس وهنلاقى كمان ان ابعاد الشاشة او الاسبكتريشو 18:10 واللى تعتبر قريبة جدا من ابعاد شاشة الجالكسى اس 8 والـ ال جى جى 6

لكن لو ركزنا فى الشاشة هنلاقى حاجة غريبة قوى

سوف تجد ان الكاميرا فى الشاشة من الاعلى وهو ما ادهشنا جميعا فهى اول مرة نرى الكاميرا فى الشاشة نفسها

لكن اندى روبن يقول انها لن تسبب لك ازعاجا  لأن الاشعارات والساعة على يمين ويساربمعنى انها لن تخفى جزء من الشاشة لكن سوف نرى هذا الكلام  بشكل عملى عند طرح الهاتف فى الاسواق.

الـ Ph-1 بيجى بتصميم ممتاز بالاضافة الى ان الخامات اللى مصنوع منها تعتبر ممتازة جدا اولا سوف نجد الهاتف من الخلف مصنوع من السيراميك والشاشة عليها طبقة حماية من نوع جوريلا جلاس 5 اما الـ frame مصنوع من التيتانيوم وهو من الخامات اللى هتلاقيها افضل من الالمونيوم واقوى من الحديد لكن وزنة اقل من الحديد ويتحمل السقوط وهذة الميزة موجودة مسبقا فى ال ال جى جى 6 لكن من المفترض انها فى ال Ph-1 افضل لأن الفريم مصنوع من التيتانيوم واللى مش من السهل انه يتأثر بسهولة من السقوط يعنى مش هتلاقى فية خدوش لو وقع منك على الاطار المصنوع من التايتنيوم بالاضافة الى طبقة الحماية جوريلا جلاس الموجودة على الشاشة واللى المفروض انه يتحمل الخدوش بنسبة كبيرة مقارنتا بأنواع الحماية الاخرى الموجودة على شاشات الموبيل

لكن هذا لا يعنى ان الجوريلا جلاس ضد الكسر والخدوش ولكنها تتحمل الكسر والخدوش بنسبة كويسة عن باقى انواع الحماية المتوفرة فى الاسواق.

 

مواصفات هاتف essential ph1

اذا كنت متابع للهواتف الجديدة الموجودة فى الاسواق مثل الاس 8 والاس 8 بلس والجى 6 والاكسبريا اكس زى برميويم فسوف تجد ان essential ph1 يحمل نفس المواصفات تقريبا واليكم اهم مواصفات essential ph1

مواصفات essential ph1
مواصفات essential ph1

الشاشة بمقاس 5.7 انش

والمعالج سناب دراجون 835 وهو نفس المعالج الموجود فى HTC U11 و جالكسى اس 8 واكسبريا اكس زى برميوم وكمان الشاومى مى 6

الـ Ph-1 يأتى بذاكرة عشوائية 4 جيجابايت ومساحة تخزين داخلية 128 جيجابايت ولا يحتوى على مكان لكارت خارجى او شريحة اخرىوهذا بناء على المواصفات اللى تم نشرها على الموقع الرسمى الخاص بهم ويمكنك زيارتة من هنا
البطارية 3040 ملى امبير غير قابلة للازالة وبتدعم الشحن السريع 
يعمل بنظام اندرويد وهيتوفر بأربع اللوان وهما الاسود والابيض والاخضر والرمادى
ويحمل منفذ USB C  واللى هتستخمة للشحن وللسماعات لأنه لا يحتوى على منفذ السماعات 3.5 ملى ميتر والذى ابتدى يختفى من الهواتف بشكل تدريجى لكن سوف يأتى معه وصلة تقدر تركبها فى الموبيل وتشغل عليها السماعات العادية لكن طبعا لن تستطيع شحنه وتركب سماعات الاذن فى نفس الوقت .

كاميرا هاتف essential ph1

الكاميرا تقريبا مستوحاة من الكاميرات اللى بتيجى فى موبيلات هواوى
وهى عبارة عن كاميرتان بدقة 13 ميجابكسل  واحدة Monochrome ابيض واسود والثانية عادية RGB بتصور اللوان بيدمجوا الصورة حتى تحصل فى النهاية على صورة بجودة افضل 

الكاميرا بها ليزير اوتو فوكس و HDR و panorama و face detection 

اما الكاميرا الامامية فهى بدقة 8 ميجا بكسل وبفتحة عدسة f/2.2 وكل من الكاميرتين الامامية والخلفية يستطيعون تسجيل فيديوهات 4K.
اسنشال بى اتش 1 “essential ph1” يأتى بميزة جميلة وهى موجودة مسبقا فى هواتف الموتو وهى الموديلار

فى الهاتف من الخلف سوف تجد ماجنيتك كونيكتور تقدر تركب اكسيسوريس مختلفة نفس الميزة اللى قدمتها قبل كدة ال جى فى الجى 5 وفشلت بها لأنها بصراحة لم تقدمها بأسوب مميز لكن شركة موتوريلا مقدمة فكرة الموديلار بشكل افضل وناجحة فيها وال PH1 مستوحى الفكرة من موتوريلا من خلال انه بيخليك تركب الاكسيسوريس زى مابنشوف فى هواتف الموتو عن طريق الماجنيتك كونيكتور وليس مثل الجى 5 والذى يضطرك تزيل قطعة من اجل تركيب قطعة اخرى.
وتم طرح كاميرا 360 وتعتبر اصغر كاميرا 360 فى العالم ولا تحتاج للشحن لأنها سوف تعمل ببطارية الموبيل وتقدر تركبها فى اعلى الموبيل وتتحكم بها كما تريد

 وهى مكونة من كاميرتين كل واحدة 12 ميجا بكسل وبفتحة عدسة f/1.8  وبتصور فيديوهات 4K وسعرها 200 دولار امريكى لكن الجميل فى الموضوع انك لو حجزت نسخة الان سوف تحصل على خصم 75% على الكاميرا بمعنى ان سعرها سوف يصل الى 50 دولار فقط بدلا من 200 دولار

كاميرا essential ph1
على كل حال بناء على ما ذكرة اندى روبن فهو يرى ان الهواتف الموجودة ينقصها الكثير من التقنيات وبها مشاكل كثيرة وانه يقدر يقدم هواتف جديدة تتفوق عليها من ناحية الاداء وتقدم تجربة افضل للمستخدم.

سعر هاتف essential ph1 
essential ph1 متاح الان للشراء عبر الانترنت فقط بسعر 699 دولار امريكى



اترك تعليق