مقارنات

Galaxy S8, LG G6 , xiaomi mi 6, huawei p10 مقارنة تفصيليبة

قام بكتابته Khaled Taha



مقارنة تفصيلية بين كل من :-
جالكسى اس 8+ وال جى جى 6 وشاومى مى 6 وهواوى بى 10بلس


السلام عليكم ورحمة الله وبركاتة
اهلا بكم فى مقارنة جديدة على موقع ريفيو بلس

مقارنة اليوم ان شاء الله بين اربع هواتف ذكية ممتازة جدا وجميعهم بمواصفات عالية جدا وهما 
جالكسى اس 8 بلس
– شاومى مى 6 
ال جى جى 6
– هواوى بى 10 بلس
ومن بينهم هاتفين يحملان اعلى معالج فى السوق حاليا حتى وقتنا هذا فى 30/6/1988 وهو سناب دراجون 835 الجديد المصنوع بتقنية العشرة نانو ميتر التى تقلل من استهلاك البطارية والحد من ارتفاع درجة حرارة الهاتف وهما  جالكسى اس 8 بلس والثانى شاومى مى 6 مع العلم ان الفرق بينهم كبير جدا فى السعر وسوف نتحدث عن الاسعار فى اخر المقالة ان شاء الله.

هنبدأ اولا بالتصميم

تصميم الجالكسى اس 8

جالكسى اس 8 بلس
يأتى بحواف منحنية لوا يوجد منه نسخة ايدج كما كان فى السابق لأن النسختين الان ايدج او منحنية من الاطراف ومحمية بطبقة حماية من نوع كورنينج جوريلا الاصدار الخامس.

وبالرغم من ان التصميم لم يختلف كثيرا عن الاس 7 ايدج الا انك سوف تعتقد ان الشكل مختلف تماما وهذا يرجع للشاشة الجديدة التى طورتها شركة سامسونج فاغلب الجهاز حاليا عبارة عن شاشة ولا يوجد حواف مثل ما كان فى السابق او الحواف تكاد ان تكون بسيطة جدا وهذا مااعطى جمال وروعة فى التصميم للهاتف.

تم نقل زر البصمة الى الخلف فى مكان صعب الوصول له وهو بجوار الكاميرا الخلفية وبالرغم من ان هناك عدد كبير من الشركات التى تقدم زر البصمة فى خلف الجهاز لكن فى الغالب يكون تحت الكاميرا واسهل فى الوصول الية لكن سامسونج قدمت اسوء زر بصمة حتى الان وفى الغالب يرجع هذا الامر الى انها كانت تنوى دمجة فى الشاشة ولكنها تواجهه مشاكل الان فى هذة التقنية ولذلك قد نرى هذة التقنية فى هاتف نوت 8 فى حالة انها تغلبت على المشاكل التى تواجها فى دمج البصمة بالشاشة.


بالنسبة للأبعاد فى كالتالى :-
طول الجهاز  159.5عرض الجهاز 73.4 سمك الجهاز 8.1 mm وزن الجهاز 173 جرام

تصميم شاومى مى 6

شاومى مى 6
يأتى شاومى مى 6 بتصميم جميل جدا مصمم من المعدن اللامع وبه بعض الانحنائات البسيطة وزر البصمة من الامام مدمج مع زر الهوم ولكن هناك مشكلتين فى هاتف شاومى مى 6 الاولى وهو انه لا يدعم تركيب كارت ذاكرة خارجية ولكنه يأتى بذاكرة 64 جيجا بايت واعتقد انها مقصودة لان الهاتف سعرة بسيط جدا ولذلك يريدونك شراء النسخة الاعلى الـ 128 اما المشكلة الثانية والتى لا يوجد لها اى مبرر انهم قاموا بالاستغناء عن منفذ سماعات الاذن 3.5 مم.
الهاتف متوفر باللون الازرق والابيض والذهبى والاسود ويوجد منه نسخة سيراميك اغلى فى السعر
ابعاد شاومى مى 6 :-
الطول 145ملى والعرض 70.5 ملى اما سمك الجهاز 7.4 mm والوزن 168 جرام والنسخة السيراميك اثقل قليلا ووزنها 182 جرام
 

تصميم هواوى بى 10 بلس

هواوى بى 10 بلس
الهاتف مصنوع من الالمنيوم ولكن بالاعلى سوف نجد قطعة من الزجاج تحتوى على الكاميرا وتصميمة رائع جدا وزر البصمة من الامام وهو سريع جدا فى الاستجابة وهناك بعض التعديلات التى اضافتها شركة هواوى على نظام الاندرويد لكى تستطيع قفل التطبيقات التى تريدها ببصمتك لكن هانك مشكلة بسيطة وهو زر الهوم والازرار اللمسية مدمجة فى الشاشة وهو نفس الامر فى الاس 8 لكن كان هناك سبب وهو ان الجهاز بدون حواف لكن فى البى 10 فى مساحة كبيرة اسفل الهاتف بالاضافة الى الازرار اللمسية مما ادى الى وجود مساحة كبيرة جدا اسفل الهاتف لكن هواوى حلت هذة المشكلة ووفرت اوبشن يمكنك من استخدام زر الهوم بدلا من الازرار المدمجة فى الشاشة وتقدر تلغى الازرار دى من الاعدادت وهتتحول لزر البصمة عن طريق تحريك اصبعك للاسفل وللامام واليمين واليسار.
اما بالنسبة للابعاد فهى كالتالى :-
طول الجهاز 153.5عرض الجهاز 74.2 سمك الجهاز 7 mm وزن الجهاز 165 جرام

تصميم هاتف ال جى جى 6 “LG G6”

ال جى جى 6
ال جى جى 6 يأتى بشاشة مسطحة بالكامل اشبة بشاشة الايفون 7 بلس ومزود بثلاث اصدارات من طبقات الحماية كورنينج جوريلا جلاس الاولى من نصيب الشاشة وهى جوريلا الصدار الثالث والثانية للكاميرا بالاصدار الرابع اما الجهاز من الخلف بالاصدار الاحدث وهو الاصدار الخامس, اعلنت الشركة انها اجرت العديد من الاختبارت على G6 لقياس مدى تحملة للصدمات وهو مقاوم للصدمات مقارناتا بالهواتف الاخرى ولكن احترس فهو غير مقاول للصدمات بشكل كامل فقهو فقط يتحمل السقوط بشكل افضل من باقى الهواتف العادية.
تم الغاء زر الهوم من ال جى جى 6 وبات مدمج فى الشاشة كما هو الحال فى جالكسى اس 8 بلس.
طول الجهاز 149 عرض الجهاز  72 سمك الجهاز 7.9 ملى وزن الجهاز 163 جرام

مقارنة الشاشة

بالنسبة لشاشة الجالكسى اس 8 بلس فهى بمقاس 6.2 انش
الشاشة اعلى من كواد اتش دى ريزيليوشن 1440×2960 pixels
بكثافة بكسلات 529 بكسل لكل انش
واعلى من كواد اتش بما معناة ان شاشات الكواد اتش دى تأتى بـ 2560×1440 بكسل اما شاشة الاس 8 بلس 2960×1440 بكسل ولذلك هى اعلى من كواد اتش دى وهذا ناتج عن نسبة الطول الى العرض 18.5 الى 9 والتى تم تغييرها لأول مرة من شركة LG لكى تكون 18 الى 9 بدلا من 16 الى 9 وها هى تلحقها سامسونج وتعدل على الابعاد.
الجزء الخاص بزر الهوم فقط 3d تاتش الشاشة عادية  ليست مثل الايفون 3d تاتش
الشاشة من نوع Super AMOLED مستحوذة على 84% من حجم الجهاز
وبتدعم تقنية البريميم HDR والتى تمكنك من عرض عدد اكبر من الالوان وتباين اعلى وافضل وبها خاصية Always-on display

وواجهة استخدام TouchWiz UI



شاشة شاومى مى 6

عادية جدا لا يوجد بها تقنيات جديدة وبالطبع ال جى 6 وجالكسى اس 8 يتفقون فى الشاشة جدا وهذا يرجع لعدة اسباب اهمها ان الشاشة مستحوذة على اغلب حجم الجهاز.
 
حجم الشاشة فى شاومى مى 6 “5.15” انش فول اتش دى ريزليوشن 1080 × 1920 pixels و 428 بكسل لكل انش وهى اقل شاشة معانا انهاردة اقل حتى من الهواوى بى 10 بلس
الشاشة من نوع IPS LCD مستحوذة على 71.4% من حجم الجهاز
نسبة الطول الى العرض 18 الى 9
وواجهة استخدام MIUI 8.0

شاشة هواوى بى 10

الشاشة تشبة لشاشة الشاومى من ناحية المواصفات لكن اعلى قليلا لأنها كواد اتش دى, الشاشة بمقاس 5.5 انش ريزليوشن 1440×2560 بكثافة بكسلات 540 بكسل لكل انش ومحمية بطبقة حماية من نوع كورنينج جوريلا الاصدار الخامس
الشاشة من نوع IPS-NEO LCD مستحوذة على 71.6% من حجم الجهاز
نسبة الطول الى العرض 16:9
وواجهة الاستخدام – Emotion UI 5.1

شاشة ال جى جى 6

الشاشة اعلى من كواد اتش دى ريزليوشن 1440 × 2880 pixels
بكثافة بكسلات 564 بكسل لكل انش من نوع IPS LCD مستحوذة على حوالى 80% من حجم الجهاز
نسبة الطول الى العرض 18 الى 9

وبها خاصية  Dolby Vision/HDR10 ودى بتحسن من جودة الالوان بشكل كبير وتعطى تشبع اكثر للوان 
 وخاصية Always-on display
وواجهة استخدام – LG UX 6.0 UI
لا يوجد فرق كبير بين شاشة الجى 6  وجالكسى اس 8 بلس لكن فى فرق واضح بينهم وبين الايفون ودة طبعا لصالح LG G6 و Galaxy S8 Plus.

مقارنة الاداء والمواصفات

اولا مواصفات جالكسى اس 8 بلس

يأتى بمعالج سناب دراجون 835 او اكسينوس 8895 السناب دراجون فى النسخه الخاصة بامريكا فقط وباقى الدول نسخة الاكسينويس وتم تطويرهم بتقنية الـ 10 نانو ميتر التى تساعد فى تقليل استهلاك الطاقة والحفاظ على البطارية
ومعالج رسوميات Adreno 540 – US model او Mali-G71 MP20 – EMEA وبالنسبه لنا فى الشرق الاوسط سنحصل على نسخة ميل جى 71
وذاكرة عشوائية 4 جيجابايت ومساحة تخزين داخلية 64 جيجابايت فقط لا يوجد منه 128 او 256 متوفر بنسخة واحدة فقط 64 جيجابايت

ثانيا مواصفات شاومى مى 6

يأتى بمعالج سناب دراجون 835 وهو نفس المعالج المتوفر مع اس 8 بل ومعالج رسوميات Adreno 540 وذاكرة عشوائية 6 جيجابايت ومساحة تخزين داخلية 64 جيجابايت فقط
بالنسبة للمواصفات تعتبر من اعلى المواصفات فى السوق ومن المتوقع ان تقدم اداء عالى اثناء الاستخدام ولكن ياتى هاتف ون بلس 5 بمواصفات اعلى من الشاومى ومن الاس 8 لكن مازالت سامسونج فى المقدمة.

ثالثا مواصفات هواوى بى 10 بلس

ياتى بمعالج HiSilicon Kirin 960 وبالطبع اقل معالج فى هذة المقارنة ولكن مازال اداءة ممتاز اما معالج الرسوميات Mali-G71 MP8 
وذاكرة عشوائية 4 جيجابايت رام ودى بتيجى مع نسخة ال 64 جيجابايت
ومتوفر منه نسخة اخرى 128 جيجابايت مساحة تخزين داخلية و 6 جيجا رام
طبعا المواصفات دى مش اعلى مواصفات فى السوق بس مازالت كويسة وادائها رائع

رابعا مواصفات ال جى جى 6

متوفر بمعالج سناب دراجون 821 ومعالج رسوميات Adreno 530وذاكرة عشوائية 4 جيجابايت ومساحة تخزين داخلية 32 و 4 جيجابايت
 
سوف نجد ان الارقام فى صالح شاومى مى 6 وهو اعلى موبيل بالنسبة للأداء اذا تم حسابها بالارقام لكن قد يختلف الامرعند استخدام الهاتف لأن السوفت وير عامل مهم جدا فى الاداء واذا طورت الشركة نظام السوفت وير بشكل جيد بحيث انه يكون متوافق مع نظام الهارد وير الذة تقدمة الشركة حينها قد يتفوق هاتف ذات مواصفات اقل على باقى الهواتفوهو الامر الذى نجدة دائما فى اجهزة ابل لأمها بتقدم مواصفات اقل والسرعة بتتفوق على موبيلات اخرى بمواصفات اعلى اى ان السوفت وير عامل مهم جدا جدا.

مقارنة الكاميرا بين جالكسى اس 8 بلس وال جى جى 6 وشاومى مى 6 وهواوى بى 10


كاميرا الجالكسى اس 8+ بكسل ثنائى 12 ميجا بيكسل ,بفتحة عدسة f/1.7 ودى بتكون افضل فى الاضاءة الضعيفة وبصراحة افضل كاميرا حتى الان وبعدها مباشرة كاميرا ال جى جى 6 والتى تعتبر افضل كاميرا من ناحية السوفت وير اللى ضافتة ال جى للشاشة الجديدة واستغلت نسبة الاسبكتريشو فى الشاشة الجديدة المهم كاميرا جالكسى اس 8 بلس بتيجى بمثبت بصرى OIS واوتوفوكس وهى نفس الكاميرا المستخدمة فى الاس 7 ايدج بخلاف بعض التحسينات على السوفت وير

اما الكاميرا الامامية 8 ميجا بكسل وبفتحة عدسة f/1.7 وممتازة جدا فى السيلفى حتى فى الاضاءة الضعيفة او المنخفضة وباردوة هى افضل كاميرا امامية فى الابع موبيلات
 
كاميرا شاومى مى 6

بالنسبة لكاميرا شاومى مى 6 فهى قوية جدا وقريبه جدا من كاميرات الفلاج شيبس الموجودة فى 2017 وبجد بجد الكاميرا دى بالسعر دة اللى هقولهولكم فى اخر الفيديو تبقى حاجة جامدة جداا
الكاميرا مذدوجة 12 ميجا ببكسل الاولى بفتحة عدسة f/1.8 للصور العادية والتانية بفتحة عدسة 2.6 للصور العريضة زى اللى بنشوفها دايما فى موبيلات ال جى والكاميرا التانية بتساعد فى عمل زوم بدون ماتخسر الكوالتى بتاع الصورة بالاضافة الى انها بتساعد فى عملية العزل والبوكا افيكت او البورتريه مود الموجود فى الايفون 7 والهواوى بى 10 بلس وبتيجى بمثبت بصرى OIS 4-axis ودة تقريبا موجود فى موبيلات معدودة جدا يعنى
اما الكاميرا الامامية بدقة 8 ميجا بكسل

كاميرا هواوى بى 10 بلس
مذدوجة الاولى 20 ميجا بكسل والتانية 12 ميجا بكسل وبفتحة عدسة 1.8 الكاميرا بالتعاون مع شركة ليكا ومعاها مثبت بصرى OISبتعمل زوم من غير ماتخسر كوالتى وهى نفس الميزة الموجودة فى ايفون 7 بلس وقدمتها باردة شاومى زى ماقولت من شوية وكمان الكاميرا التانية دى بتساعد فى عمل العزل او الاوتوفوكس والبورتريه مود اما الكاميرا الامامية 8 ميجا بكسل وبفتحة عدسة f/1.9
 
كلهم بيصورا فيديو 4K وفيهم ميزة التركيز على الوجة واكتشاف الابتسامة والـ HDR والبانوراما والكلام دة كله
 

كاميرا ال جى جى 6 مذدوجة 13 ميجا بكسل الاولى عادية بفتحة عدسة f/1.8 ومثبت بصرى OIS والثانية مخصصة للصور العريضة وبفتحة عدسة f/2.4 


والامامية 5 ميجا بكسل وبفتحة عدسة f/2.2 تقدر تاخد بيها صور عادية او صور عريضة

البطارية
البطارية فى جالكسى اس8 بلس 3500 ملى امبير
وفى شاومى مى 6 3350
اما هواوى بى 10 بلس 3750
وفى ال جى جى6 3300 ملى امبير
وكلهم ببطارية غير قابلة للازالة

بطارية هواوى بى 10 بلس اعلى شوية وهما تقريبا متساويين فى البطارية او الى حدا ما متشابهين طب متشابهيين ازاى
هنلاقى مثلا ان شاشة ال جى جى 6 شاشته اصغر من جالكسى اس 8 بلس وطبعا الشاشة الاكبر بتستهلك طاقة اكتر والطبيعى ان اس 8 بلس هيستهلك طاقة اكتر من البطارية وهو اعلى من جى 6 بحاجة بسيطة اللى هو تقريبا فرق حجم الشاشة يعنى الى حدا ما متساويين جدا لكن فى هنا اس 8 بلس وشاومى مى 6 بيشتغلوا بمعالج سناب دراجون 835 ودة بيحسن شوية فى استهلاك البطارية او بيقلل استهلاك البطارية ودة طبعا هيكون لصالح اس بلس والمى 6



الاسعار 

اولا سوف نذكر لكم الاسعار الرسمية مع العلم انها قد تختلف من دولة لدولة اخرى ومن مكان لمكان اخر اى انها غير ثابتة :-

سعر جالكسى اس 8 بلس 840 دولار
سعر هواوى بى 10 بلس 665 دولار
سعر ال جى جى 6 650 دولار تقريبا
الشاومى مى 6 بــ 360 دولار حسب ما اعلنت شركة شاومى

 

وفى نهاية المقالة لا تبخل علينا بالدعاء واذا اعجبتك المقارنة لا تنسى مشاركتها على مواقع التواصل الاجتماعى

 

وهذة كانت مقارنة تفصيلية لكل من Galaxy S8, LG G6 , xiaomi mi 6, huawei p10.

مقارنة بين جالكسى اس 8 بلس وال جى جى 6 وشاومى مى 6 وهواوى بى 10



اترك تعليق