شروحات تقنيةمعلومات تقنية

Oppo جميع المشاكل والحلول الأسئلة والإجابات لهواتف اوبو




نقدم لكم فى هذة المقالة اغلب المشاكل التى قد تواجهك مع هواتف شركة اوبو وكيفية حل هذة المشاكل

معظم هذة المشكلات تم جمعها من تعليقات زوار ريفيو بلس وخصصنا لها مقالة كاملة ليستفيد منها الجميع، اذا كان لديك سؤال اخر يمكنك اضافتة وسوف نحاول الرد عليكم فى اسرع وقت ان شاء الله من خلال هذة المقالة، لكى نسهل عليكم الامر

المشكلات التى سوف نتلاقها بعد ذلك سوف نقوم باضافتها فى نهاية هذة المقالة.

 

المشاكل التى قد تواجهك مع هواتف اوبو وكيفية حلها

س1: كان معايا موبايل اوبو اف 7 لعبة فورت نايت لا تعمل علية واشتريت اوبو اف 9 ومازالت لا تعمل ايه المشكلة؟

ج: اولا اللعبة تحتاج الى معالج عالى، المعالج اللى موجود فى F7 هو نفس المعالج الموجود فى Oppo F9.

س1: الشحن بطئ جدا وتواجه مشكلات بسبب الشحن؟

ج: للتأكد من ان هناك مشكلة فى سرعة شحن الموبايل قم بشحنة من 0% الى 100% ومن المتوقع ان يتم شحنة فى مدة اقصاها ساعتين اما اذا احتاج وقت اكثر من ذلك فعليك بتغيير وصلة الشحن ويفضل ان تكون اصلية ولو المشكلة مازالت موجودة حينها عليك بتجربة شاحن اخر واذا وجدت الشكلة مازالت موجودة عليك التوجة الى اقرب مركز صيانة تابع للشركة.

س2: اواجهة مشكلة كبيرة فى بطئ الهاتف, التليفون بطئ وانا اتخنقت من الموضوع دة؟

ج : لو الجهاز عليه كارت ميمورى جرب ازالته فقد يكون هناك مشكلة فى الكارت تسبب بطئ فى الجهاز واذا لم يكن هناك كارت جرب اعادة ضبط مصنع ولا تنسى اخذ نسخة احتياطية من الملفات الموجودة على الجهاز من خلال تطبيق backup&restore المحمل مسبقا على الجهاز وبعد انهائه انقل المجلد الموجود فيه ملف النسخة الاحتياطية و اسمه backup على كارت ميموري او على الكمبيوتر وقم بتحميلة مرة اخرى على الجهاز بعد اتمام عملية اعادة ضبط المصنع.

 

س3: بعد اذنك يوجد عندى فى اعلى الشاشه من جهه اليسار كلمه (امكانيه الدخول) اريد ان ازيلها, ممكن حد يقولى ازاى اقوم بازالتها مع العلم ان تليفونى يعمل باللغه العربية ولكم جزيل الشكر تليفونى اوبو F7؟

ج: من خلال : الاعدادات > اعدادات اضافية > منع الحواجز > اغلاق جميع الاعدادات ”
او
الاعدادات > اعدادات اضافية > منع الحواجز > عملية سريعه لمنع الحواجز> اغلاق

 

س4: لو سمحت اوبو f5 youth له تحديث الاندرويد 8 اوريو الجديد ولا لأ وهل يوجد له تحديث ColorOS 5؟

ج: حتى الان لا توجد معلومات مؤكدة حول تحديث اندرويد اوريو وفى حالة صدور تحديثات من الشركة سوف نطلعكم عليها فورا على “ريفيو بلس”.

 

س5: لو سمحتم انا اشتريت oppo f7 وفي تحديث جديد للسوفت وير هل تنصحوني بالتحديث ام لا؟ ارجو الاجابة ضرورى؟

ج: بالطبع اذا وجدت اى تحديثات جديدة عليك بتحميلها وتثبيتها لأنها تقوم بتحسين النظام وتساعد الهاتف على العمل بشكل افضل كما ان هناك بعض التحديثات الامنية التى تزيد من حماية هاتفك ضد البرامج الضارة او الفيروسات لذلك عليك بالتحديث دائما.

 

س6: عندي سؤال ضروري جدا وارجو الاجابة. من اهم المشكلات التى تواجهنى مع oppo f5 ان النظام بتاعه لا يسمحلى بانى اخلي الصور في albums او اختار ايه جواها بنفسي ومفيش اوبشن يسمحلى انى اخفى اى البوم وبالتالي الsecurity محدودة جدا بالرغم من ان الموبايلات الاقدم منه زي a37 و a57 اقدر اتحكم في الصور بسهولة ايه حل حاجة زي دي؟

ج: تستطيع اخفاء اى ملفات من خلال الملفات > مخزن الملفات.

 

س7: السلام عليكم دلوقتي انا نسيت الشاحن بتاع موبايلي Oppo F5 أشحن الموبايل بشاحن Oppo a37 عادي ولا غلط ؟

ج: جهاز A37 يعمل بشاحن 1 أمبير اما شاحن F5 هو 2 أميير يفضل شحن الجهاز بشاحنه الخاص.

 

س8: من فضلكم هو oppo f7 بيدعم تصوير الـ slow motion ولا لأ؟

ج: للأسف لا يدعم تصوير Slow Motion.

 

س9: لو سمحت انا معايا اوبو A57 عايز اعرف امتي هينزل التحديث الجديد ضروري؟

ج:  يوجد تحديث جديد لواجهه التشغيل يمكنك تحديثه من مركز صيانة لك.

 

س10: من فضلك الاقى اللون الاسود فى فرع اية نسخة 64؟

ج: تقدر تشترية من فروع بي تك و راية وi2 وموبايل شوب ورزق الله وامان و2B mobile.

 

س11: لو سمحتم لو في موبايل اوبو في حدود 2500 جنية مصرى او اكتر حاجة بسيطة ياريت تقولولى اسمه ايه؟

ج: يمكنك شراء A37 بيدعم شبكات الجيل الرابع 16 جيجابايت و 2 جيجا رام, شاشة 5.2 بوصة, كاميرا خلفية 8 ميجابكسل, كاميرا امامية 5 ميجابكسل بسعر 2450EGP.

 

س12: لو سمحت انا معايا f7 ومش عارف اعمل اسكرين شوت للشاشه ولا حتى عارف اعمل اسكرين شوت اثناء تشغيل الفيديو, ازاى اخد اسكرين شوت من فضلك؟

ج: تقدر بسهولة عن طريق وضع ثلاث اصابع على الشاشة واسحب الى الاسفل لأخذ لقطة من الشاشة.

 

س13: انا شفت فى فيديوهات المراجعه امكانية تسجيل الشاشة بس مش عارف اجبها ممكن تقولى اجبها ازاى؟

ج: عن طريق السحب باصبعك من اعلى الشاشة الى الاسفل واختيار ايقونة تسجيل الشاشة, اذا كانت هذة اول مرة تستخدم فيها هذة الميزة فسوف تحتاج الضغط على Ok ثم ALLOW لأعطاء التطبيق الصلاحية لبدأ التسجيل فى اول مرة فقط.



الوسوم

مقالات ذات صلة

‫65 تعليقات

  1. عند استخدام الفيس او الواتس وعند ورود مكالمه يتم غلق شاشه الفيس او الواتس وظهور شاشة الاتصال كامله اعمل ايه عايز ظهور الرفض او الاجابه اعلي الشاشة معايا تليفون oppo f9

  2. الموبايل f7 عملتلو الابديت الجديد اللي هو 5.2 بس ظهرت مشكله كبير ف التتش فا فيه حل للمشكله ديه بقا التتش بيعلق بطرقه غبيه

      1. عليك التوجه الي اقرب مركز صيانة سيتم عمل سوفت وير للجهاز ولكن عليك اخذ نسخة احتياطية من ملفاتك أولا

  3. معايا تلفون اوبو اف 7عاوز اغير الخط نزلت كم خطوط من الاستور وبرضو مافيش نتيجة ايه هو الحل

    1. من خلال الضغط على ايقونة قفل الأتجاه الرأسى الموجودة فى لوحة الأشعارات
      الأيقونة عبارة عن دائرة بداخلها قفل.

  4. معى موبيل اوبو f1s ولسة شارى موبيل اوبو f9 وعندى مشكلة فى نسخ اى كلام من الفيس بوك هل يوجد لها حل رغم ان كنت بستعمل عدة اقل فى الامكانيات ومكنتش بتحصل معايا المشكلة دى ارجو الرد

  5. انا معايا a83 بس لما حد بيتصل بيا او بتك علي ايكونه الاتصال او القفل الشاشه تغلق ومبتفتحش بزرار البور الا بعد دقيقه حل؟

  6. انا معايا a83 بس لما حد بيتصل بيا او بتك علي ايكونه الاتصال او القفل الشاشه تغلق ومبتفتحش بزرار البور الا بعد دقيقه هل يوجد حل؟

  7. انا معايه ابو f5و لما انزل برنامج وبيطلب مني الاذن الدخول الي امكانيه الدخول وافعلها بتظهرالي رساله بتقوال يوجد مخاطر امنيه اعمل اي عشان امنع الشاشه دي تظهر تاني والتطبيق يشتغل بصوره طبيعيه

    1. دة مجرد تحزير بيظهر عند تثبيت تطبيقات من مصادر غير معروفة، خليك فى الأمان وحمل تطبيقاتك من متجر جوجل بلاى او متجر اوبو

  8. لو سمحت عندي لما حد أو بيعت رساله علي الوتس رساله صوتيه مبيظهرش صوتي ولا صوت البعتلي الرساله صوت نغمه الرساله هو الليمون شغال اول مافتحها وصوت الشخص البعتها الرساله مو اضحك وتختفي وتظهر هذه الرساله

  9. السلام عليكم
    انا عندي اوبو f5
    بعد شهر من شراءه اختفى خيار تسجيل المكالمكات من الضبط و مش عارف اطلعه منين
    شكرا

    1. ادخل على
      الأعدادات > اتصال > تسجيل المكالمات
      وهتلاقى الأعدادت الخاصة بتسجيل المكالمات، عدلها كما تريد

  10. لو سمحتوا انا اشتريت تليفون اوبو f7 ومن اول يوم وانا بستخدم الكيبورد اللى جايه معاه اسمها gboard بس للاسف بطيئة جداا معايا ولما بحول من عربى لانجليزى بتهنج ايه الحل ؟

    1. حاول الدخول على متجر الموضوعات وأختار ثيم او موضوع مختلف
      هناك بعض الثيمات تتسبب فى مثل هذة المشاكل
      جرب تغيير الثيم وأخبرنا بالنتيجة

  11. لو سمحت انا معايا oppo 7 والمشكله معايا فلتطبيقات ان لو حد بعتلي صوره او فيديو بتجيلي بنغمشه كبيره مع انها بتتبعتلي بجوده عاليه وعند رفع حاله علي الواتس اب صوره او حاله تكون منغمشه بعد رفعها
    ايه الحل من فضلكم
    والنغمشه ف الواتس والفيس والمسنجر واليوتيوب

    1. الفيس بوك والواتساب بيضغطوا الصور اللى بتترفع عليهم او بيتم ارسالها من خلالهم
      لو ليك صور عند حد خدها منه بلوتوث افضل لكن الصور بشكل عام بيتم ضغطها على الفيس والواتس

  12. عندما اتصل علي شخص ما واريد انهاء الاتصال او المكالمه اضغط علي الشريط الاحمر باسفل الشاشة ولا يستحيب ارجكو شو الحل جربت جميع الطرف

  13. اخي لو سمحت انا لدي هاتف oppo f5 ولما يصل الهاتف ل 25% ينطفأ لوحده ويطلب مني إعادة الشحن ارجوك اريد الحل ارجوك

  14. عندي مشكلة في موبايل Oppo F7 في دايرة شكلها غريب كدا علي الشمال من فوق جمب البطاريه
    دايرة وفيها نقطة ميه كدا ياريت حد يفيديني ويعرفني بتتمسح ازاي ، عملالي مشاكل كتير والله
    وحاولت اكتر من مرة وسالت ناس كتير بس بدون فايدة
    انا خايف يكون عيب في الجهاز نفسة
    ياريت حد يساعد

    1. ممكن حضرتك تعمل سكرين شوت لشاشة الموبايل وحط رابط الصورة فى تعليق عشان نقول لحضرتك دى بتاعة اية وتشلها ازاى

  15. لو سمحت انا معايا oppo 7 والمشكله معايا فلتطبيقات ان لو حد بعتلي صوره او فيديو بتجيلي بنغمشه كبيره مع انها بتتبعتلي بجوده عاليه وعند رفع حاله علي الواتس اب صوره او حاله تكون منغمشه بعد رفعها
    ايه الحل من فضلكم
    والنغمشه ف الواتس والفيس والمسنجر واليوتيوب

  16. انا معايا اوبو f7 و كنت محمل عليه اغنيه و فيلم مع مرور الوقت الاغنيه و الفيلم مش موجودين على الجهاز خالص اكنهم اتمسحوا

  17. انا معايا تليفون أوبو f7 لسه جايبه جديد النسخة 128 انا عمله البصمه بس لو قفلت الشاشه وفتحته تانى بيفتح بالمس عادى من غير البصمه اى حد يفتحه مع العلم ان البصمه شغاله برده

  18. انا عندي تلفون opooF7 وبتصفح من عليه ولما اجي احمل صوره من علي جوجل كروم مبتتحملش عندي في الأستديو مع العلم اني بحمل من علي فيسبوك صور عادي فما هي المشكله؟؟؟
    ارجو الرد من سيادتكم

  19. موبيلي f7 واوقات لم باجي اشحنو ويتم عادي ١٠٠ واشيل الشاحن بلاقي علي طول نزل ل٩٧ وساعات ٩٦ دة ايه

  20. لو سمحت في ايقونة في الصور اسمها امان الخصوصية بتخفي الصورة من الالبوم بس مش عارفة ازاي اجيب الصور المخفية دي اجبها ازاي؟؟ فوني opportunity f7

  21. لما بخبط على الجهاز ( oppo F7 ) من نحية الكاميرا العادية وبالاخص من الظهر فى الحته اللى بندخل فيها الميمورى والخط بلاقى زنة كدة ومديقانى ده طبيعي ولا ايه لو سمحتوا

    1. لا تقلق لا يوجد مشكلة نهائيا هذا الصوت موجود فى موبايلات اوبو اف 7 اى انها ليست مشكلة فى جهازك

  22. نسيت كلمه سر مخزن الملفاات ومش عاارف افتحو ومش مسجل البصمه عليه وفيه حاجات مهمه جداا ارجو الرد سريعاا..
    وشكراا

  23. أنا معاياoppo f7 لسه جديد و فى مشكله مع الكاميرا الاماميه أن الصورة لو فيها اكتر من شخص بتكون ملامحهم مش باينه و ملامح الشخص الملتقط لللصورة بس هيا اللى واضحه….ارجو الافاده؟؟

    1. دة امر طبيعى لأنك مشغل ميزة التركيز التلقائى
      الميزة دى بتخلى الصور افضل انها تركز على الشخص اللى بيتصور وتعمل نغمشة على باقى المكان تقدر توقفها لما تكون بتتصور مع اكتر من شخص
      عن طريق الضغط على علامة تشبة لنقطة الماء اسمها فى الموبيل التركيز العميق وتقدر تشغلها وقت ما تحب عن طريق الضغط عليها مرة اخرى.

  24. لو سمحت قمت بعمل تحديث لاوبو اف 7 الجديد بس بعدها اختفت المهام المفتوحة حديثا يعني الصفحات المفتوحة في الخلفية مش موجودة يعني لازم كل مرة افتح الصفحة او الطبيق من الاول الى هي multitasking اعمل اية علشان ارجعها تاني او ارجع الاصدار السابق

    1. ادخلى على الاعدادت > وسائل الراحة الذكية > مفاتيح التنقل > واختارى تنقل المفاتيح الافتراضية.
      هيظهر زر المهام الحديثة.

اترك تعليقاً

لن يتم نشر عنوان بريدك الإلكتروني.