شروحات تقنية

المشاكل والحلول المتعلقة بهواتف سامسونج والاسئلة الشائعة

نقدم لكم الاسئلة والتعليقات حول هواتف شركة سامسونج، لقد قمنا بجمع جميع اسئلتكم واستفساراتكم من خلال التعليقات على موقعنا وصفحتنا على الفيس بوك ونحاول أن نجيب على هذه الأسئلة في مقالة مخصصة ليستفيد بها الجميع.

اذا كان لديك اى مشكلة او اى استفسار حول هواتف سامسونج يمكنك ترك تعليقك أسفل المقالة وسوف نحاول الرد عليكم فى اسرع وقت ان شاء الله.

اقرأ أيضا :-

الأسئلة والمشاكل الشائعة لهواتف سامسونج جالكسى

س: انا معايا موبايل جالكسى j5 2016 حطيت الموبايل في الشاحن وكان 26% لقيت الموبايل سخن رحت شلت الشاحن وقفلت الموبايل رحت شغلت الموبايل تاني من غير ما اوصل الشاحن لقيت الموبايل 2% عايز افهم ايه الي حصل في الموبايل

ج: ممكن يكون حصل مشكلة بسبب ارتفاع درجة حرارة الموبايل، اشحن الموبايل من صفر الى 100% وجرب مرة اخرى، إذا حدث نفس المشكلة فقد يكون هناك تلف فى البطارية وننصحك حينها بزيارة اقرب مركز صيانة لك.

س: لدى جهاز سامسونج جالكسى ولكننى فى الحقيقة لا أتذكر الموديل ولكن المشكلة انه حصل حاجة فى الجهاز اسمها الوضع الامن اريد معرفة كيفية ازالة الوضع الامن ضرورى؟

ج: يمكنك ذلك عن طريق الضغط على الاشعار الذى يحمل اسم “إنهاء الوضع الامن”، اذا لم تجد هذا الاشعار يمكنك التوجه للمقالة التالية لمعرفة تفاصيل اكثر عنه وعن طرق ازالته : كيفية انهاء الوضع الامن.

س: مفيش اى تحديث قريب جراند 2 عشان اقسم بالله اتخنقت من ام الكيت كات؟

ج: للاسف غير متاح تحديث جديد.

س:لو سمحت عاوزه رقم خدمة عملاء شركة سامسونج؟

ج: يمكن الاتصال على رقم الدعم الفني 16580
مواعيد عمل الدعم الفني من 10 صباحاً الي 11 مساءاً يومياً ما عدا يوم الجمعة من الساعة 12م الى الساعة 11 م.

س: لو سمحتوا انا معايا s6 edge و الشاشة من برا مكسورة بس التاتش سليم و الشاشة من جوا سليمة عايز اغير طبقة الزجاج الخارجية فقط ممكن اجيبها منين مركز سامسونج صيانة؟

ج: سعر الشاشة لموبايل جالكسى اس 6 ايدج 4500 جنية مصرى وده سعرها فى مراكز صيانة سامسونج مصر
دة سعر الشاشة بالكامل، لا يمكنك تغيير الطبقة الخارجية فقط
يتم تغيير الشاشة والتاتش بالكامل.

اقرأ أيضا: مميزات جديدة بمتصفح سامسونج

س: لو سمحت انا اشتريت سامسونج j7pro أول ما نزل و بصراحه التليفون كويس جدا معايا بس محروقه عشان دفعت فيه ٥٢٠٠ وهو كان نازل ١٦ جيجا وبعدها بكام يوم نزل منه ٣٢ جيجا تقريبا بنفس السعر فأنا لو حبيت اغير اللي معايا الفرق هيبقى كام و هل ينفع اعمل تبديل ام لا، ياريت حد يرد عليا ويكون فى حل؟

ج: يمكنك الذهاب الى احد فروع المبيعات المتاح بها عروض الاستبدال.

من خلال الفرع هيتم توضيح فرق السعر وإمكانية الاستبدال، عناوين الفروع بالقاهرة:-

2 عمارات الميريلاند شارع جسر السويس بجوار فودافون

115 شارع مصر والسودان بجوار كنتاكي

84 شارع الميرغني بجانب ابو شقرة- مصر الجديدة المحور المركزي الثاني بمدينة 6 اكتوبر بجوار جامعة 6 أكتوبر

4 مساكن جامعة الدول بجوار اتصالات

عناوين الفروع المتاح بها عروض الاستبدال خارج القاهرة :-

18 أ عمارات العبور – أمام دار ضباط المدرعات – الأقصر

1 شارع المدينة المنورة – بنها

1 شارع الفلل – الكورنيش – الغربية

شكري القوتلي الرئيسي بجوار مدرسة التجارة بنات – المحلة.

س: ممكن اعرف سعر سامسونج جالكسى S9 الجديد بكام؟

ج: السعر 15300 جنية مصرى S9 الـ 64 جيجابايت

وبالنسبة للـ +S9 سعرة 17300 جنيه مصرى للـ 64 جيجا و 18000 للـ 128 جيجا.

ملحوظة مهمة : هذة الاسعار الرسمية فى فروع شركة سامسونج وهى بتاريخ 26، مايو 2018 وقد تختلف بعد ذلك التاريخ بالاضافة الى انها قد تخلف ايضا اقل او اكثر من مكان الى اخر او من تاجر إلى آخر.

س: معى موبايل J5 الباغة اتكسرت اذا سمحتم اريد معرفة السعر وهل ينفع اغير الباغة فقط ولا لازم شاشة كاملة، ارجو الرد ضرورى؟

ج: هتغير شاشة كاملة بـ 950 جنية مصرى، السعر بتاريخ 20، مايو 2018

س: هل لو عملت فورمات للموبايل يفقد الضمان ولا عادى؟

ج: الفورمات او الاعدادات الافتراضية ليس لها علاقة بالضمان ولكن الروت هو الذى يخرج الموبايل من الضمان.

س: انا معايا موبايل جالكسى j5 2016 حطيت الموبايل في الشاحن وكان 26% لقيت الموبايل سخن رحت شلت الشاحن وقفلت الموبايل رحت شغلت الموبايل تاني من غير ما اوصل الشاحن لقيت الموبايل 2% عايز افهم ايه الي حصل في الموبايل

ج: ممكن يكون حصل مشكلة بسبب ارتفاع درجة حرارة الموبايل، اشحن الموبايل من صفر إلى 100% وجرب مرة اخرى، اذا حدث نفس المشكلة فقد يكون هناك تلف فى البطارية وننصحك حينها بزيارة أقرب مركز صيانة لك.

س: لدى جهاز سامسونج جالكسى ولكننى فى الحقيقة لا أتذكر الموديل ولكن المشكلة انه حصل حاجة فى الجهاز اسمها الوضع الامن اريد معرفة كيفية ازالة الوضع الامن ضرورى؟

ج: يمكنك ذلك عن طريق الضغط على الإشعار الذي يحمل اسم “انهاء الوضع الامن”، اذا لم تجد هذا الاشعار يمكنك التوجه للمقالة التالية لمعرفة تفاصيل اكثر عنه وعن طرق ازالته : كيفية انهاء الوضع الامن.

س: لو سمحتم هو النوت 9 نزل ولا لسة؟

ج: اخر اصدار من سلسلة النوت هو نوت 8، نوت 9 لم يتم الإعلان عنه بشكل رسمى حتى الان.

س: هو ايه اخر تحديث متاح لهواتف J7 prime؟

ج: اخر اصدار لهذا الموديل هو نظام اندرويد 7 نوجا.

س: انا معايا s7edg حالتة كويسة جدا يعتبر كسر زيرو، هل اقدر استبدلة بجهاز جالكسى اس 9؟

ج: نعم تستطيع ذلك، فى عرض من الشركة لاستبدال أجهزة سامسونج القديمة بجلاكسي S9 او +S9، هذا العرض متاح حتى 30 يونيو 2018.

كيفية الاستفادة من عرض الاستبدال؟

1. احضر جهازك الي احد الفروع المتوفر بها هذا العرض.

2. سيتم تحديد أفضل سعر لجهازك عن طريق الفرع.

3. ستحصل على تخفيض لهاتف جالكسي S9 و S9 Plus بقيمة جهازك القديم علي حسب حالة الجهاز.

س: عايز اشترى موبايل Galaxy J8 2018 هينزل مصر امتى، ياريت الرد ضرورى؟

ج: لم يتم الإعلان عنه بشكل رسمى حتى الآن.

س: لو سمحتم انا معايا موبايل نوت 8 ويشحن بطئ جدا، عايز اعرف هو المفروض يتشحن فى وقت قد اية عشان اعرف اللى معايا بايظ ولا هو اصلا الموديل ده بطئ فى الشحن؟

ج: يتم شحن جالكسى نوت 8 من صفر% الى 100% في اقل من ساعتين.

س: انا اشتريت موبايل من سامسونج و كان فى عيب صناعة مش المفروض الموبايل بتغير لان لسه جايبه من شهر المهم انا لما روحت الضمان غير بورده الجهاز وانا مردتش استلام الموبايل

شيماء عبد الرحمن

خبيرة بالمجال التقني ولدى شغف بالكتابة عن التكنولوجيا والتقنيات الجديدة بالهواتف الذكية، أكتب عن الهواتف الذكية والأجهزة اللوحية، اعمل في مجال الصحافة الإلكترونية منذ عدة سنوات وخلال ذلك الوقت، شاهدت العديد من التغييرات المدهشة التي حدثت في صناعة الجوالات واتطلع لإخبارك بما هو جديد بعد أن حصلت على تجميعه وفرة من المعرفة في هذا المجال.

‫21 تعليقات

  1. لدى جالكسى 8 واثناء الشحن قفلت الشاشة ولم يعد الجهاز يعمل. قيل لى ان IC CHARGER يحتاج الى تغيير. فهل يمكن تغييره فقط للاحتفاظ بالمعلومات المخزنة بالجهاز

  2. قمت بمحو البينات من خلال ضبط المصنع فلم يشتغل الهاتف بعد ذلك
    وتم إيقاف الضبط ولم تطلع التطبيقات وبقي خالي منها
    موبايل هو GALAXY GRAND Prime+

  3. معايا تليفون سامسونج و كل ما افتحه يكتب ان الحرارة عالية و بعدين يطفئ التطبيقات و بعدين يطفي خالص. وضعته في التلاجة شويه و برضه المشكلة زي ما هي . عايز اعرف ايه المشكلة و حلها

  4. لو سمحتم موبايلى نوعه سامسونج جلاكسي G6بلس
    وحصل مشكله الشاشه من الخارج اتكسرت ولكن التاتش شغال ينفع أغير قطعة الزجاج الخارجيه أم يلزم تغيير الشاشه بالكامل وما سعرها؟

    1. لدي سامسونك S6 في بعض الاحيان يتصل بي أصدقائي ويأتيهم الرد ان المتصل به غير متوفر مع العلن الاشارة جيدة واﻻأتصال بالنت موجود افيدوني رجاؤا

  5. انا تليفونىg6+وعند التحديث الجديد التطش لم يعمل عملت سوفت اشتغل وبعد يومين طلب تحديث وحصل نفس المشكله فرمت الحهاز ولحد دلوقتى لايقبل سوفت الحهاز مش شغال اعمل اية

  6. معايا جهاز Samsung g6 plus
    فيه مشكلة انه تحول التاتش فيه ليشتغل بالنقر مرتين مع لوحة تحكم ناطقة عند اختيار أي أمر او التحرك علي الشاشة ومابين النوافذ
    ازاي ارجع التاتش مرة تانية والغي التحكم باستخدام النقر
    شكرا جدا

  7. اريد معرفة تغيير شاشة نوت ٨ ييطلب مسح البيانات اونقلها طرف الشركة ولا ملهوش علاقة وسعرها كام واى مركز صيانة معتمد سامسونج

  8. انا معاى موبيل سامسونج جلاكسى جراند برايم بيتقل وبيهنج جدا مع انى مركب كارت 16جيجا وبردة لسة تقيل جدا مش عارف اعمل معاه اية ياريت الافادة

    1. للأسف المشكلة فى الموبايل نفسة عشان هو رام 1 جيجا
      المشكلة عندك ليس لها علاقة بكارت الميمورى
      حاول اغلاق التطبيقات التى تعمل فى الخلفية بأستمرار

      1. كنت مسافر سوهاج يوم ألاثنين ١٥ يوليه ٢٠١٩ في قطار رقم ٨٨ الساعة السادسة مساء من طنطا وقد وقت تليفوني فكسر . الساعة أربعة ونصف بعد الظهر . فذهب الي موزع معتمد لسامسونج واشتريت تليفون ضغطات وركب الباءع فيه الشريحتين خاصتي وتم الأتصال بىرقمي فرن التليفون ولكني لم أري الشاشة . وذهبت إلي البيت وركبت الشاحن وبعد خمس دقائق احتجت اتكلم في التليفون وجدت الشاشة محروقة. فرجعت بعد ربع ساعة من شراءه وتركت الايفون والعلبة ومحتوياتها ال الباءع واحتفظ الفاتورة الضمان فقط. واسرعت لكي الحق القطار. ماذا تفعل.

        1. لو سمحت ضروري انا معايا سامسونج j5 2016 اول م جبته كان كويس بعد فتره بدأت الفيديوهات تظهر باللون الاخضر ف اي موقع ولما بصور باي كاميرا ف الموبايل بيطلع اخضر وحتي في اليوتيوب بالعلم اني لو بعت لحد فيديو من عندي بيظهر طبيعي الا لو فيديو انا اللي مصوراه بكاميرتي وبجد تعب حد يقولي من ايه واعمل ايه !‍♀️

  9. انا معي S9 plus ,وخاصية bixby vision غير موجود الا 4 خيارات (ال ترجمة والصور الماثلة والواين والاماكن ) ليست 8 ما السبب؟؟

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى